Առողջապահության նախարար Անահիտ Ավանեսյանն այցելել է Առողջապահության ազգային ինստիտուտ

Այսօր Առողջապահության ազգային ինստիտուտում տեղի ունեցավ շնորհակալագրերի հանձնման արարողություն, որին ներկա էր Առողջապահության նախարար Անահիտ Ավանեսյանը և Առողջապահության նախարարի առաջին տեղակալ Լենա Նանուշյանը: Իր խոսքում  նախարարն ընդգծեց, որ դիտարկելով մեր երկրում ստեղծված իրավիճակը, վստահաբար կարող ենք արձանագրել, որ  այս երկու  տարիների ընթացքում հսկայական  աշխատանք է կատարվել  կորոնավիրուսային հիվանդության (COVID-19) իրազեկման, կանխարգելման և բուժման գործընթացում:

Սկսած 2021թ․ մայիսից, Առողջապահության ազգային ինստիտուտը շարժական պատվաստումային խմբերի միջոցով իրականացնում  է կորոնավիրուսային հիվանդության (COVID-19) դեմ  պատվաստումային գործընթաց, որն առ այօր իրականացվում է բարեխղճորեն և արդյունավետ:  Հիմք ընդունելով ՀՀ Վարչապետի հրամանը, առողջապահական համակարգում անձնվեր և պատասխանատու աշխատանքի,  հայրենիքին մատուցած ծառայությունների և անմնացորդ նվիրումի համար,  շնորհակալագրեր ստացան շարժական պատվաստումային կետերում ներգրավված ԱԱԻ-ի մի շարք աշխատակիցներ: 

Նախարարը շնորհակալություն է հայտնել անձնվեր ու պատասխանատու աշխատանքի համար և նշել, որ COVID-19-ի դեմ պայքարում շարժական պատվաստումային կետերն առանցքային դեր են ունեցել:

Շնորհավորում ենք մեր աշխատակիցներին՝ մաղթելով նորանոր ձեռքբերումներ: