ՀՀ Առողջապահության նախարարության «Ակադեմիկոս Ս․ Ավդալբեկյանի անվան առողջապահության ազգային ինստիտուտ» ՓԲԸ-ի Էթիկայի կոմիտե

2021թ.-ի հունիսի 5-ին ՀՀ Առողջապահության նախարարության «Ակադեմիկոս Ս․ Ավդալբեկյանի անվան առողջապահության ազգային ինստիտուտ» ՓԲԸ-ում ստեղծվել է էթիկայի կոմիտե (ԷԿ), որում ներառված են տարբեր գերատեսչություններից և հասարակական կազմակերպություններից մասնագետներ:

Էթիկայի կոմիտեի հիմնական նպատակը հանդիսանում է կլինիկական և փորձարարական հետազոտություններում ընդգրկված հետազոտվողների իրավունքների և շահերի պաշտպանությունը։

Էթիկայի կոմիտեի խնդիրներն են՝

Իրականացնել կենսաբժշկական հետազոտությունների փորձաքննություն` էթիկայի նորմերի և կանոնների ապահովման տեսանկյունից

ԷԿ քննարկմանը ներկայացվող կլինիկական և փորձարարական հետազոտության ծրագրի (կառուցվածքի, մասնակիցների ընտրության, մեթոդների, եղանակների և ուրիշ) համապատասխանությունը որակյալ հետազոտությունների անցկացման միջազգային չափորոշիչներին

Կլինիկական հետազոտությունների անցկացման ժամանակ էթիկական նորմերի և կանոնների դիտարկման և վերահսկման (մոնիթորինգի) ապահովումը

Էթիկայի նորմերի, կանոնների և փորձագիտական ընթացակարգերի մշակում և հրապարակումը

Էթիկայի կոմիտեն իր գործունեությունն իրականացնում է՝ ղեկավարվելով ՀՀ Սահմանադրությամբ, ՀՀ օրենսդրությամբ, ՀՀ կառավարության որոշումներով, ՀՀ առողջապահության նախարարի հրամաններով, ԱԱԻ կանոնադրությամբ, մարդու իրավունքների, ազատությունների և արժանապատվության հարգման վերաբերյալ համապատասխան միջազգային ակտերով, Համաշխարհային բժշկական ասոցիացիայի Հելսինկյան հռչակագրով, ինչպես նաև կենսաբժշկական ու վարքագծային հետազոտությունների վերաբերյալ այլ միջազգային փաստաթղթերով։

Էթիկայի կոմիտեի գործունեությունը հիմնվում է օրինականության, հրապարակայնության, իրազեկվածության, մարդու իրավունքների, ազատությունների, պատվի ու արժանապատվության հարգման, անկախության, վարքագծային ու կենսա-բժշկական հետազոտությունների հնարավոր մասնակիցների անվտանգության, նրանց իրավունքների և օրինական շահերի պաշտպանության, բժշկական գաղտնիքի պահպանման ու հարակից այլ սկզբունքների վրա։

էթիկայի կոմիտեն ուսումնասիրում է հետազոտությունների պլանները, մարդու իրավունքների և նրա առողջության անվտանգության ապահովման մեխանիզմների ներգրավվածությունը՝ անկախ հետազոտողից, պատվիրատուից, հովանավորողից ու բժշկական հիմնարկից:

Կենսաբժշկական հետազոտությունների էթիկական փորձաքննության համար տրամադրվող փաստաթղթերի ցանկ, հետազոտվողի գրավոր համաձայնության ստացման կարգը, իրազեկված գրավոր համաձայնության ձևաթուղթ,

ստանդարտ գործառնական ընթացակարգ - ինքնակենսագրականի գնահատման համար

Հասցե: Կոմիտաս 49/4, Երևան 0051

Հեռ: +374 (10) 23 50 05, +374 (91) 23 50 05

Էլ․ հասցե: ethics_committee@nih.am